Camarines Norte, Philippines - Sa halip na sumagip ng buhay, nagkalasug-lasog ang katawan ng isang 35 anyos na mister makaraang aksidenteng masalpok ng isang rumaragasang ambulansya sa national highway ng Brgy. Malilipot, Bacacay, Albay kamakalawa. Kinilala ang nasawing biktima na si Melvin Borlagdatan, residente ng Brgy. 3 sa bayang ito habang ang nakabundol ng driver ng ambulansya ay nakilala namang si Felipe Pareño. Sa inisyal na imbestigasyon ng mga awtoridad kasalukuyang tumatawid sa kalsada ang biktima ng aksidente itong mabundol ng ambulansya na pag-aari ng munisipalidad ng Bacacay galing sa Ziga Memorial District Hospital kung saan naghatid ito ng pasyente. Ayon sa pulisya sa lakas ng pagkakabangga ay agad nasawi ang biktima at arestado naman ang driver na nahaharap sa kasong reckless imprudence resulting to homicide.