2 utas sa road mishap

MANILA, Philippines - Dalawa-katao ang nasawi habang marami pa ang na­sugatan matapos na magbanggaan ang pampasaherong bus at kotse sa highway ng Bayugan City, Agusan del Sur noong Biyernes ng umaga. Sa ulat ni P/Supt. Gerry Ratunil, Bayugan City PNP director, kinilala ang mga nasawi na sina Herman Durato, driver ng Isuzu Crosswind at Mary Magno, 34, pasahero ng bus. Nagtamo ng sugat ang ilang pasahero ng bus at isang 'di pa nakilalang babae na sakay ni Durato sa SUV. Base sa  inisyal na imbestigasyon, nag-overtake ang driver ng SUV sa isang sasakyan nang bumulaga sa harapan nito ang bus na patungong Maynila. Sa lakas ng pagkakabangga ay nasawi ang dalawang biktima kabilang ang nag-overtake na driver ng SUV.