Mag-asawa grabe sa kawatan
MANILA, Philippines - Isang mag-asawang negosyante ang nasugatan makaraang pumalag sa isang miyembro ng akyat bahay gang na nanloob sa tahanan ng mga ito sa Brgy. Gulang-Gulang, Lucena City kamakalawa.
Kapwa nilalapatan ng lunas ngayon sa pagamutan ang mga biktimang sina Marlon Quejano, 34-anyos at Maricris Avellanosa, 31; pawang residente ng Everlasting Street, Zaballero Subdivision, Brgy. Gulang-Gulang ng lungsod na ito.
Bandang alas-3:20 ng madaling-araw ng maalimpungatan ang mag-asawa sa nilikhang kaluskos ng hindi pa nakilalang miyembro ng akyat bahay gang na pumasok sa kanilang tahanan sa pamamagitan ng sliding door sa ikalawang palapag.
Ang ikalawang palapag ng tahanan ng mag-asawa ay pinatutuluyan ng mga ito sa Dutch national na si Tijmen Van Rees, 45-anyos, isang turista sa lungsod.
Nahuli sa akto ng mag-asawa ang suspek habang tangay ang cannon DLSR camera na nagkakahalaga ng P18,000.00 ng kanilang bisitang si Rees bunsod upang pagsasaksakin ang mga ito ng suspek na agad tumakas. Iniimbestigahan pa ang kasong ito.
- Latest
- Trending
