CAVITE, Philippines - – Napaaga ang salubong ni kamatayan sa 12-anyos na elementary student matapos masagasaan ng pampasaherong jeepney habang tumatawid sa Aguinaldo Highway sa Barangay San Agustin 1, Dasmariñas City, Cavite, kamakalawa ng hapon. Hindi na umabot ng buhay sa Asia Medic Hospital ang biktimang si John Robert Guillera habang nakatakas naman ang drayber ng jeepney (DVX 404) na nakilala lamang sa alyas Tanonong.