2 menor-de-edad ni-rape

CAMP NAKAR, Lucena City, Philippines – Dalawang menor-de-edad ang iniulat na napariwara ang kinabukasan matapos halayin sa magkahiwalay na bayan sa lalawigan ng Quezon, kamakalawa ng hapon.

Isa sa ni-rape ay ang 15-anyos na high school student na sinasabing hinarang ng suspek habang pauwi mula sa eskuwela­han sa Barangay Wasay Ibaba sa bayan ng Buenavista. Nasakote naman ng pulisya ang suspek na si Jovito Ferna, 38.

Samantala, dahil sa prutas ay maaga namang napariwara ang kinabukasan ng 2-anyos na nene matapos gahasain ng suspek na si Saldy Juanillo, 43, magsasaka sa bayan ng Plaridel.

Ayon kay PO2 Michelle Ranuda ng Womens and Children Desk Section, dakong alas-4 ng hapon nang bigyan ng prutas ng suspek ang biktimang naglalaro sa labas ng kanilang bahay.

Lumilitaw na dinala ang biktima sa bakanteng bahay saka isinagawa ng suspek ang maitim na balak.

Narinig naman ng ina ang pag-iyak ng biktima at nang hanapin ay nakita ang suspek na nakakubabaw sa bata.