300 kilo botya ng baboy nasabat

MALOLOS, Bulacan, Philippines —Tinatayang mahigit 300 kilo ng botyang baboy ang nasamsam ng mga awtoridad mula sa 2 kalalakihan sa police checkpoint sa lalawigang ito. Ayon sa nakarating na ulat kay Bulacan Provincial Director P/SSupt.Fernando Mendez Jr., ang mga arestadong suspek ay sina Bernardo Gerardo 46, drayber ng Brgy.Wawa sa bayan ng Balagtas at Larry Garcia 24,residente ng Brgy.Poblacion sa bayan ng Baliwag. May kabuuang 310 kilo ng pinaniniwalaang botyang baboy ang nasamsam sa 2 suspek sa magkahiwalay na police checkpoint. Agad ding sinuri nina Dr.Voltaire Basinang at Dr.Lie Princess Principe ng Provincial Veterinary Office ang mga nakumpiskang baboy na napatunayang walang inspection certificate mula sa kanilang tanggapan ay agad na inirekomendang sunugin ito sa magkahiwalay na dumpsite upang hindi na pakinabangan pa ng mga mamimili habang kinasuhan naman ang dalawang suspek ng paglabag sa ordinansa ng lalawigan.