3 katao pisak sa traktora

MANILA, Philippines - Tatlo-katao ang iniulat nasawi habang lima pa ang nasugatan makaraang sumalpok ang van sa nakaparadang traktora sa gilid ng Nam Kwang Road sa Barangay San Antonio, Gerona, Tarlac, noong Martes ng madaling-araw. Kinilala ni Highway Patrol Group director P/Chief Supt. Leonardo Espina ang mga nasawi na sina Mike Bugnay, 54, ng Baguio City; Mila Lagasca, 60; at si Lyka Mae del Mundo, 8. Si Bugnay ay naipit  ang katawan sa unahang bahagi ng van habang ang dalawa ay naisugod pa sa Jecson Hospital subalit idineklarang patay. Lumilitaw na nawalan ng control sa manibela ng Toyota van (NIO679) si Angel Taynan, 41, kaya sumalpok sa kaliwang bahagi ng traktora (TMP-963) ni Joaquin Canan.