Bus vs trike: 4 todas

MANILA, Philippines - Apat-katao ang kumpirmadong nasawi makaraang magsalpukan ang pampasaherong bus at traysikel sa kahabaan ng highway sa Barangay Mabatang, sa bayan ng Abucay, Bataan kahapon  ng hapon. Kabilang sa mga namatay ay sina Nelson Marinque, 45; Ruben Bacobo, 41; Eleazar Orena, 3; at si Thomas Barsola, driver ng traysikel. Base sa police report na nakarating sa Camp Crame, bumabagtas sa highway ang traysikel nang masiraan sa gitna ng kalsada kung saan nakasalubong naman ang Genesis Bus (TYW 915). Sa bilis ng pangyayari ay hindi napansin ng driver ng bus ang nakabalandrang traysikel sa gitna ng highway kung saan sa lakas ng pagkakabangga ay pawang nasawi ang mga biktima. Nahaharap ngayon sa kasong kriminal ang driver ng bus.