Bus hulog sa bangin: 32 sugatan

CAVITE  , Philippines – Nabigong makapiling ni kamatayan ang 32 pasahero sa bus na nahulog sa malalim na bangin sa Pinagpatayan Bridge, Barangay Sapang sa bayan ng Ternate, Cavite kamakalawa ng hapon.

Naisugod naman sa Naic Doctors Hospital ang mga sugatang sina Jackson Azotillo, drayber ng bus; Joseph Pantoja, conductor; Nestor Sevillano, Socorro Vergara, Ma. Crisel Pernia, Rodrigo Sevillano, Alpha Jaen Ruben, Kimberly Managa, Brenda Peñaflor, Romel Ramirez, Nick San Joaquin, Paul Jhano Rotairo, Jean Sanchez, Ernesto Reybuena, Ely Orgaya, Kristel Riola, Lorme Sagarino, Masao Koizumi, Sugiyama Jukhi, Naomi Nakamura, Babette Zamudio, Karren Retusto, Sarrah Omayan, Geraldine Pingol, Kristine Olayres, Rovelyn Peñalora, Salvador Ariel, Kristel Ann Salamat, Ishiko Akiko, Yugi Kimura, at si Osama Tamaka.

Lumilitaw na nawalan ng kontrol ang drayber ng JAC Liner (TVR-885) na nag-overtake sa sinusundang sasakyan kaya bumulusok sa bangin.

Napag-alamang pauwi na ang mga biktima mula sa masayang picnic sa Caylabne nang maganap ang sakuna.

Ayon sa pulisya, nahaharap sa kasong kriminal ang drayber ng bus matapos madiskubre na walang lisensya sa pagmamaneho.