Kawani ng munisipyo ginilitan
MANILA, Philippines - Nagsisimulang maagnas nang matagpuan ang bangkay ng isang 48-anyos na kawani ng munisipyo matapos na gilitan sa loob ng kanyang tahanan kamakalawa sa Barangay Talogtog sa bayan ng San Juan, La Union.
Kinilala ni La Union PNP director Senior Supt. Ramon Purugganan ang napaslang na si Fulgencio Dacanay, matandang binata at nagtatrabaho sa munisipyo ng San Juan.
Sa ulat ni Purugganan na nakarating sa Camp Crame, bandang alas-10:40 ng umaga nang madiskubre ng kaniyang mga kamaganak ang bangkay ng biktima na nakahandusay at nakabalot ng floor mat.
Ayon sa pulisya, may palatandaang pinasok ng mga 'di-pa kilalang kalalakihan ang bahay ng biktima bago ginilitan.
Nakatarak pa sa leeg ng biktima ang murder weapon nang magtungo ang pulisya sa crime scene habang patuloy naman ang pagsisiyasat.
- Latest
- Trending
