2-anyos na-chicharong bulaklak ng kusinero

MANILA, Philippines - Napaaga ang salubong ni kamatayan sa isang 2-anyos na batang lalaki ma­tapos mabanlian ng kumukulong mantika mula sa nilulutong chicharong bulaklak ng ku­si­nero ng kanyang ina sa karin­derya sa bayan ng Padada,  Davao del Sur kama­kalawa.

Ayon kay Jeareen Ma­ralit, nagluluto ang kanyang kusinero ng chicharong bulaklak nang dumulas ang kawali sa kalan kung saan bumuhos ang kumukulong mantika sa kanyang anak na si Raleigh Kenn, na nakatayo lamang sa tabi ng kusinero.

Sinabi pa ng investi­gators na ayon sa ilang tes­­tigo, nag­liyab pa ang man­tika nang bumuhos sa biktimang. Ayon kay Senior­ Fire Officer 2 Rolando Demabildo, biglang bumigay ang kalang tanso dahil sa matinding init.

Sugatan din ang nanay ng bata at dalawang ta­uhan nito.