Misis ni 'Lucio Tan' kinidnap; escort, driver inutas
MANILA, Philippines - Kinidnap ng mga armado ang misis ng negosyanteng naging kapangalan ni Lucio Tan habang pinatay naman ang driver at security escort nito sa Purok Salvacion, Brgy. Rosary Heights 2 sa Cotabato City noong Biyernes ng hapon.
Kinilala ang biktima na si Conchita Atienza Tan, may-ari ng LCT Hardware sa Don Rufino Alonzo St., Co tabato City.
Napatay naman ang security escort na si Alvin Doruelo at Richard Emberga matapos na makipagbarilan sa mga kidnaper habang kinakaladkad ang kanilang amo. Lumilitaw sa imbestigasyon na lulan ng sasakyan ang mga biktima pauwi nang harangin ng anim na armadong kidnaper na lulan rin ng isa pang behikulo.
Agad namang nakipagbarilan ang dalawang escort ni Conchita sa mga kidnaper sa hangaring iligtas ang kanilang amo subalit napatay naman.
Narekober naman ng Task Force Tugis ni Lt. Col. Roy Galido ang inabandonang FX (ULS-805) at maroon Mitsubishi Lancer na ginamit sa pagdukot sa biktima sa kahabaan ng HK Doton St. Poblacion 3, Cotabato City.
Pinaniniwalaang dinala ang biktima sa Kakar River at Rio Grande de Mindanao sa direksyon ng Maguindanao na sinasabing balwarte ni Pentagon KFR leader Mayangkang Saguile.
- Latest
- Trending
