Kotse nasunog sa gasolinahan

MANILA, Philippines - Dahil sa pagsagot ng tawag sa cell phone, isang sports utility vehicle ang nasunog habang nagpapa­gasolina kamakalawa sa Digos City, Davao del Sur kamakalawa.

Sa police report na na­karating kahapon sa Camp Crame, naganap ang insi­dente bandang alas-6:15 ng gabi sa Petron gasoline Station sa kahabaan ng Estrada 6th Street sa na­banggit na lungsod.

Napag-alamang nagka­karga ng gasolina ang mag-asawang sina Guiller­mo at Virginia Ceniza nang tumunog ang cell phone ng lalaki.

Kaagad naman nitong sinagot ang tawag sa cell­phone kaya lumikha ito ng pagsiklab sa unang bahagi ng kanyang sasakyang Toyota Revo.

Nasunog ang Revo ng mag-asawang Ceniza ha­bang nadamay din ang motorsiklong katabi nito sa gasolinahan.

Mabilis na nakababa ng kotse ang mag-asawa at agad naapula ang umapoy na sasakyan bago pa ito tuluyang maabo.

Pinaniniwalaang binale­wala naman ni Guillermo ang mga babala na naka­ka­dikit sa gasoline station na mahigpit na ipinagba­bawal ang paggamit ng cell phone habang nagpa­pa­gasolina.