Bomber timbog

MANILA, Philippines - Naaresto ng pinag­sanib na elemento ng pulisya at militar ang isang pinag­hihinalaang mi­yembro ng teroristang grupo na sang­kot sa pam­bobomba sa Immaculate Conception Cathedral noong Hulyo 2009 na kumitil ng buhay ng 5 ka­tao habang 20 pa ang nasu­ gatan sa isina­ga­wang ope­rasyon sa Co­tabato City kamakalawa ng gabi.

Kinilala ni Cotabato City Police Director Sr. Supt. Willie Dangane, ang nasa­koteng suspek na si Ramil Diocolano.

Sinabi ni Dangane na sinalakay ng pinagsanib na elemento ng Task Force Tugis sa ilalim ng pamu­muno ni Lt. Col Roy Galido at ng kaniyang mga tauhan ang hide-out ni Diocolano sa Brgy. Kakar dakong alas-7 ng gabi. Hindi na naka­pa­lag si Diocolano matapos na mapalibutan ng arresting team ng pulisya at militar.

Nabatid pa na ang suspect ay sangkot rin sa iba pang insidente ng pam­bobomba at kidnapping for ransom sa Central Min­danao.