Consul General ng Indo nilooban
MANILA, Philippines - Nilooban ng mga armadong kalalakihan ang bahay na tinutuluyan ng Consulate General ng Republic of Indonesia sa Davao City kama kalawa.
Sa police report na nakarating sa Camp Crame, bandang alas -7:40 ng gabi nang pasukin at ransakin ng mga armadong lalaki ang bahay ni Ferry Indrawan sa panulukan ng 6th at 3rd Streets, Phase 1, Ecoland sa Davao City.
Nadiskubre ang insidente matapos na umuwi si Indrawan at makitang nagkalat ang mga gamit sa kabahayan kung saan winasak ang padlock sa unahang pintuan.
Kabilang sa natangay ay ang dalawang gintong kuwintas, pares ng hikaw na diyamante, gintong bracelet, Toshiba DVD player, antique jar, laptop, Sony MPS, Sony digital camera, Canon digital camera at P47,000 cash.
Sinisilip ng pulisya ang anggulong inside job sa naganap na nakawan.
- Latest
- Trending
