Aktibistang guro nilikida

BATAAN, Philippines — Nagpa­pa­tuloy ang extra-judicial killings sa bansa matapos na isa na namang akti­bistang guro at lider ng Association of Concerned Teachers ang pinag­ba­baril ng dala­wang arma­dong lalaki na lulan ng motorsiklo sa ba­hagi ng Barangay Tenejero sa Ba­langa City, Bataan ka­hapon ng umaga.

Kinilala ni P/Supt. Arnel Amor Libed, Bataan PNP director, ang napaslang na si Josephine Estacio, 46, guro sa Tenejero Elementary School at nakatira sa Doña Maria Subd. sa na­banggit na barangay.

Si Estacio ang ika-5 bik­tima ng extra-judicial killings sa ilalim ng ad­minis­tras­yon ni Pangulong Benigno “Noynoy” Aquino III.

Sa inisyal na imbesti­gas­yon ng pulisya, naga­nap ang pamamaslang ha­bang ang biktima ay pa­pasok ng gate ng nabang­git na school kung saan may mga mag-aaral na na­saksihan ang krimen.

Nagawa pang maisu­god ang biktima sa Bataan General Hospital pero na­bigo na itong maisalba dahil sa maselang tama ng bala sa leeg na tumagos sa ibabang bahagi ng teynga.

Noong Biyernes ng Hulyo 9 ay isa ring guro at miyembro ng ACT na si Mark Francisco, 27, ng San Isidro Elementary School ang pinagbabaril at napatay sa Barangay Ma­libas, sa bayan ng Pala­nas, Masbate.

Samantalang napas­lang din ang lider ng Anak­pawis Party-list na si Pas­cual Guevarra sa bayan ng Laur, Nueva Ecija.

Pinaslang din ang da­ting brodkaster na si Jose Daguio ng Radio Nation sa Tabuk City, Kalinga habang si Francisco Baldomero, provincial coordinator ng Bayan Muna ay pinatay sa bayan ng Kalibo, Aklan noong Lunes ng Hulyo 5.

Samantala, nasa kritikal pa ring kondisyon ang ika-6 biktima ng extra-judicial killings sa Iriga City na si Miguel Belen, radio announcer ng DWEB FM kung saan pinagbabaril sa bayan ng Nabua, Cama­rines Sur noong Biyernes ng gabi. (With trainees Rafael Zapanta/Mary Ann Chua/Mary Joy Mondero)