8 pulis sabit sa May polls ambush

ISABELA, Philippines — Walong pu­lis ang nasa balag na ala­nganin masibak sa tungkulin at makulong ma­tapos ma­dawit sa pana­nam­bang na nag­resulta sa pagkamatay ng isang si­ bil­yan at ikinasugat ng da­la­wang iba pa noong May 10 polls sa Santiago City, Isabela.

Ayon kay Atty. Elias Le­lina ng Lelina-Gagate Law firm at abogado ng mga biktima, sinampahan na ng kasong murder, three counts ng frustrated murder, 21-counts ng attempt­ed murder at falsification of public documents at perjury ang mga akusado sa tanggapan ng city prosecutors office noong Mayo 25.

Kabilang sa mga kina­su­han sa National Police Commission ay sina P/Senior Supt. Reynaldo Sina­on, P/Chief Inspector Char­lie Ang-yaon, P/Senior Inspector Cleto Atluna, SPO3 Allan Pascual, SPO3 Char­lie Vier­nes, SPO1 Anthony Caser, PO3 John Lapat at si PO3 Joel Saraos.

Idinadawit ang mga aku­sado sa pananambang sa 25 sibilyan na lulan ng apat na sasakyan sa Ba­rangay Sa­gana, Santiago City kung saan nasawi si Allan Cas­tañeto, habang sugatan na­man sina Har­rison Corpuz, Villa­mor La­guit, Jennifer La­yugan at Josemari Galapon.

Ang mga biktima ay sina­sabing mga lider at mga volunteer ng Liberal Party mayoralty bet Arman­do Tan, dating city vice mayor na naging kalaban sa pulitika ni incumbent Mayor Amelita Navarro.

Kabilang sa mga nag­hain ng reklamo ay sina Omar Adoma, Francisco La­cueva, Mark Aquino, Felimon Ma­balot, Erold Membrado, Ro­mar Tran­qui­lino, Robert Jose, Ma­xi­mo Gervacio, Lope Tege­rero, Edilberto Tabayu­yong at si Edwin Evangelista.

Maliban sa mga inaku­sa­han na mga pulis ay idi­nawit din ang isang Miguel Salo­mon, deputy head ng San­tiago City Public Safety and Order Department.

Samantala, itinanggi na­man ng mga akusado ang akusasyon sa kanila.