Campaign headquarters nilooban

CAMP SIMEON OLA, Legazpi City, Philippines — Libu-libong campaign material ang ninakaw makaraang pasukin ng mga ‘di-pa kilalang kalalakihan ang campaign headquarter ng mayoralty bet sa bayan ng Virac, Catanduanes. Aabot sa 10 kahon ng campaign poster at 230 pirasong tarpaulin ni mayoralty candidate Cito Alberto ang tinangay ng ‘di-pa kilalang grupo. May teorya ang pulisya na gustong ipahiya ang nabanggit na kandidato na kulang ang kanyang mga poster at iba pang mga kagamitan sa campaign rally. Si ex- Mayor Cito Alberto ay kandidato sa ilalim ng partido ng Nationalist People’s Coalitions (NPC).