Estudyante inutas ng kabaro

BULACAN, Philippines — Naglaho ang pangarap ng isang 17-an­yos na estudyante na makapagtapos sa hayskul makaraan itong pagsasaksakin hanggang sa mapatay ng kapwa es­tudyante dahil sa pagtanggi ng una na sumali sa fraternity kahapon sa Brgy. Fatima V, San Jose del Monte City, Bulacan. Napuruhan sa dibdib si Henry Nabia Jr., sumuko sa pulisya si Merson “Noknok” Lozano, 20, miyembro ng True Brown Style Fraternity, kapwa nakatira sa Brgy. Assumption ng nabanggit na lungsod at estudyante ng Sapang Palay National High School. Ayon kay SPO2 Fred­die Ferrer, papalabas ng eskuwelahan ang biktima kasama ang isang kaklase nang lapitan at komprontahin ng suspek kaugnay sa pang­hi­hikayat nito na sumapi sa kanilang fraternity.Tumanggi ang biktima sa alok ng suspek kaya naganap ang pama­maslang. Boy Cruz