CAMP VICENTE LIM, Laguna, Philippines — Isang barangay chairman na aktibong sinusuportahan ang kampanya laban sa bawal na droga ang pinagbabaril at napatay sa bisinidad ng Tubigan sa Biñan City, Laguna kamakalawa ng hapon.
Napuruhan sa ulo at katawan si Chairman Eric Jimenez ng Barangay Sto. Domingo ng nabanggit na lungsod. Sa police report na nakarating kay P/Supt. Joel Pernito, hepe ng pulisya sa Biñan City, kagagaling lang ni Jimenez sa sabungang malapit sa gasolinahan nang lapitan at ratratin ng nag-iisang ‘di-pa kilalang lalaki. Naitakbo pa si Jimenez sa Perpetual Help Medical Hospital pero namatay din ito bandang alas-7 ng gabi.
Bumuo na ng Task Force ang Laguna police at ang Criminal Investigation Detection Group para hawakan ang kaso. Arnell Ozaeta