Kemikal na sangkap ng shabu nasabat

BATANGAS, Philippines — Mala­mig na rehas ang binagsa­kan ng dalawang sibilyan matapos maaktuhang may bitbit na mga kemikal sa pag­­gawa ng shabu (me­thampetamine hydro­clo­ride) sa inilatag na Come­lec checkpoint sa Ba­ran­gay Ba­lagtas, Ba­tan­gas City ka­makalawa ng hapon.

Kinilala ni P/Supt. Ma­nuel Abu, hepe ng Ba­tangas City PNP, ang mga suspek na sina Alnajier Musa, 27 at Julie Kissae, 37, kapwa tu­bong Jolo, Sulu at residente ng Botolan, Zambales.

Ayon sa report, sinita sa  co­melec checkpoint ng mga tauhan ni P/Chief Inspector Cesar Geron ang Hyundai Starex Van (WSU-678) ng mga suspek ban­dang alas-3 ng hapon. Habang kinakau­sap ng mga pulis ang drayber, may na­amoy silang masang­sang na amoy na nagmu­mula sa loob ng van hang­gang sa ma­mataan ang mga container ng chemical na sina­sa­bing wa­lang kaukulang doku­mento.

Narekober sa van ang brown envelope na pinanini­walaang may sha­bu, 10-plastic containers na may acetone at 140- bote ng thionyl chloride. Arnell Ozaeta