3 banyagang pedopilya kalaboso

CAMP VICENTE LIM, Laguna , Philippines  — Rehas na ba­kal ang binagsakan ng tatlong pedopilyang Dutch nationals makaraang ma­aresto ng pulisya dahil sa reklamo ng mga batang lalaki sa Puerto Galera ka­makalawa.

Kinilala ni P/Senior Supt. Sonny Ricablanca, ang mga suspek na sina Gusbert Van T. Hof, alyas Jack; Robert Arjen Peter, alyas Robert; at si Rudolf William Devos, alyas Rudy.

Inaresto ang mga dayu­han nang magreklamo ang mga batang lalaki ng may edad na 16, 13 at 11-anyos sa ginawang panghahalay sa kanila ng mga suspek na nagsimula dalawang taon na ang nakalipas.

“Lagi daw silang pinag­huhubad ng damit ni Jack sa kuwarto at pinaliligo bago sila i-blow-job,” pa­hayag ni Ricablanca.

Ayon sa mga biktima, binibigyan daw sila ng P50, minsan ay P100 matapos silang molestiyahin.

Nakasama rin sa re­klamo si Barangay Captain Benjamin de Chavez ma­tapos itong magpabaya sa naturang krimen kung saan mariin namang itinanggi ng opisyal na may kinalaman siya sa kaso.

“Wala naman akong alam diyan at kasama lang ako sa pag-aresto,” paha­yag niya sa mga reporter.

Samantala, pinabu­la­a­nan naman ni Puerto Ga­lera chief of police, Supt. James Brillantes, ang ba­litang pinalaya niya ang mga suspek matapos mag­bayad ng malaking halaga.

Si Brillantes ay sinibak sa puwesto bilang hepe ng Puerto Galera at sumasa­ilalim sa imbestigasyon matapos masangkot sa pamamaril sa isang KTV bar noong nakalipas na linggo, na mariin niya ring pina­bulaanan. Arnell Ozaeta