CAMP SIMEON OLA, Le gazpi City , Philippines – Brutal na kamatayan ang sinapit ng isang mister makaraang pagtatagain ng nakaalitang lalaki sa loob ng Matacon Cemetery kamakalawa sa bayan ng Polangui, Albay. Animoy kinatay na baboy ang katawan ni Jimmy Albea ng Barangay San Roque habang naaresto naman sa follow-up operation ng pulisya ang suspek na si Rodolfo Arcilla, 60, ng Barangay Balanginbang ng nabanggit na bayan. Napag-alamang naglilinis ng puntod ng kanyang mga kaanak ang biktima nang lapitan at pagtatagain ng suspek. Ed Casulla