253 evacuees nalason sa rasyon

LAGUNA, Philippines – Tinatayang aabot sa 253-katao mula sa evacuartion center ang isinu­god sa iba’t ibang ospital ma­karaang mala­son sa pag­ka­ing ipinami­gay sa mga eva­cue­es sa bayan ng San Pe­dro, Laguna ka­makalawa ng gabi.

Ayon sa municipal health officer na si Dr. Jaime Baron, umabot sa 212- katao ka­bilang na ang mga kabataan at matatanda ang dinala sa Amante Hospital sa San Pedro, San Lazaro Hospital sa Maynila, JP Rizal Hospital sa Calamba City at sa Ospital ng Muntinlupa ban­dang alas-9 ng gabi.

Napag-alamang naka­ra­ nas ng pagsusuka, pag­ta­tae, pananakit ng tiyan at pag­kahilo ang mga biktima ma­tapos makakain ng chicken adobo na may itlog na ipina­mahagi ng isang religious organization sa Sioland evacuation center sa Barangay Poblacion.

 “Mabilis namin silang binigyan ng re-hydrating solutions at anti-biotic para ma­ iwasan ang paglala at kom­plikasyon sa karam­daman ng mga biktima,” pahayag ni Dr. Baron.

Ayon kay Dr. Baron, na­tang­ gap lang nila ang 40-pas­yente sa kanilang ospital at na­pi­litang dalhin ang iba sa pina­kamalapit na ospital dahil sa kaku­langan ng ka­nilang pasi­lidad.

 “Kumuha na rin kami ng sample ng pagkain para ipa­suri sa Bureau of Food and Drugs at matukoy kung ano ang sangkap na naka­lason sa mga biktima,” dagdag pa ni Dr. Baron

Habang isinusulat ang ulat na ito, kalahati sa bi­lang ng mga biktima ang pinaya­gang makalabas ng ospital mata­ pos maka­tanggap ng pa­unang lu­nas. Arnell Ozaeta, Ed Amoroso at Joy Cantos