Karambola ng sasakyan sa pagbisita ni GMA

MANILA, Philippines - Nabahiran ng trahedya ang pagbisita ni Pangulong Gloria Macapagal-Arroyo sa Negros Occidental matapos na magbanggaan ang sa­sak­yan ng police operative na nagse-secure ng dara­anan nito at ng iba pang sa­sakyan na ikinasawi ng taxi driver habang tatlong iba pa ang malubhang nasugatan sa Silay City, kamakalawa.

Kinilala ang drayber na si Mario Belinario at malub­hang nasugatan naman ang pasahero nitong si Jo­nalyn Libron, 31, habang da­la­wang pulis ng 6th Regional Mobile Group ang nasuga­tan din sa insidente. 

Sa report na nakarating kahapon sa Camp Crame, na­ganap ang insidente sa kahabaan ng bagong ga­wang diversion road sa Hacienda Normandia sa Brgy. Bactic, dakong alas-10 ng umaga.

Napag-alamang patungo ang 7-man team ng RMG troopers sa Bacolod City bi­ lang bahagi ng police contingent na mangangalaga sa se­guridad ni Pangulong Arroyo nang bumangga ang Fuzo Canter sa taxi ni Beli­nario.

Nabatid na ang Fuzo Canter na pag-aari ng local na pamahalaan at minama­neho naman ni PO1 Rhodil Buelos ay nawalan ng preno nang iwasan nito na ma­bang­ga ang kasalubong naToyota Fortuner.

Bunga nito, ay nagbang­gaan ang Canter vehicle na nakabanggaan ng taxi na nahulog pa sa kanal sa lakas ng banggaan.

Patuloy naman ang im­bestigasyon sa nabanggit na insidente. Joy Cantos