Pinagdalhan sa Irish priest tukoy na

MANILA, Philippines - Natukoy na ng security forces ang pinagkukutaan ng mga kidnaper na du­ mukot kay Irish priest Fr. Michael Sin­not noong Ling­go sa Pagadian City, Zam­boanga del Sur.

 “May tatlong reported sightings tayo, hindi pa naming puwedeng I-disclose ‘yung place,” pahayag ni Major General Ben Moham­mad Dolorfino.

Kasabay nito, nagpaha­yag ng pagkabahala ang Columban Missionary na ipinarating sa Crisis Management Committee ni Zam­boanga del Sur Governor Aurora Enerio-Cerilles sa ka­lagayan ni Sinnot dahil sa malubhang karam­da­man sa puso kung saan hindi ma­ipag­papatuloy ang maintenance ng kaniyang mga ga­mot ay maaaring mamatay.

Ayon kay Allan June Molde, spokesman ng Crisis Management Committee, ilang beses na suma­ilalim sa maselang ope­rasyon sa puso si Fr. Sinnot kaya deli­kado kung magta­tagal ito sa kamay ng mga kidnaper lalo na at walang baong gamot nang kidna­pin.

 “Inactivate na ‘yung Task Force Sinnot, sinusu­porta­han sila ng Army’s 1st Infantry Division kasi ‘yung mga units dyan sa area, they are closely working with, ngayon we have four Philippine  Navy watercraft na nagko-kordon na sa dagat para, ang effort natin ngayon is to contain them in that particular area, so sa lupa,” dagdag pa ni Dolor­fino.

Samantala, pinalakas din ang checkpoint upang ma­iwa­sang maipuslit si Fr. Sinnot na posibleng itago sa pinagkukutaan ng mga wan­ted na lider ng Abu Sayyaf sa Basilan at Sulu.

Nabatid pa ang dayu­hang pari ay namataan ng mga intelligence asset habang kinakaladkad ng mga kidnaper sa tatlong lugar na kasalukuyang ti­nututukan ngayon ng security forces.