Mayor na inambus, pumanaw na

NUEVA VIZCAYA, Philippines — Pumanaw na kamakalawa ang alkalde ng Maconacon, Isabela matapos ang apat na buwang pakikipaglaban kay kamatayan matapos na mabaril noong Mayo 20 sa nabanggit na bayan. Ayon kay P/Chief Supt. Roberto Damian, Cagayan Valley police regional director, tuluyang kinarit ni kamatayan si Mayor Francisco Talosig, 58, kung saan nakahimlay sa kanyang tirahan sa Barangay Ugad, Cabagan, Isabela. Si Mayor Talosig, kabilang ang dalawa niyang konsehal at police escort ay pinagbabaril noong May 20, 2009 habang nakasakay sa Hyundai Grace van. Sinisilip din ng mga imbestigador ang anggulong may kinalaman sa krimen ang mga sindikato ng illegal logging at illegal fishing kung saan patuloy na nilalansag ng butihing alkalde. Naglaan naman ang pulisya ng P50,000 reward para sa pagkaaresto ng pangunahing suspek. Victor Martin