Magpinsan nilamon ng putik

MANILA, Philippines - Hindi na sinikatan ng araw ang magpinsan makaraang malibing nang buhay sa landslide kahapon ng madaling-araw sa Brgy. Poblacion, Mankayan, Benguet.

Kinilala ni P/Senior Insp. Fernando Botangen, ang mga biktimang sina Jolina Mae Capia-ao Astudillo, 5; at John Kennedy Capia-ao Fagsao, 5.

Napag-alamang natutulog ang dalawa sa sala ng ka­nilang bahay sa Upper Guiwe sa Tabio nang mag-landslide at matabunan ang kinaro­roonan ng mga biktimang bandang alas-2:30 ng ma­daling-araw.

Samantala, aabot naman sa 25 sasakyan na sinasabing nakaparada sa kahabaan ng kalsada ng KM3 sa La Tri­ni­dad, Benguet ang natabu­nan nang gumuhong putik habang ilan pang mga ka­bahayan ang natabunan.

Umaabot naman sa 27 pamilya ang inilikas mula sa City Camp Lagoon sa Baguio City dahil sa patuloy na pag­taas ng tubig-baha.

Pinayuhan din ng OCD ang mag motorista na doble­hin ang pag-iingat sa pagta­hak sa Quirino Highway, Kennon Road at Halsema Highway dahil sa mga landslides. Artemio Dumlao at Joy Cantos