Ex-bank manager, 2 pa, timbog sa pekeng loan

BAYOMBONG, Nueva Vizcaya, Philippines – Tatlong katao na kinabibilangan ng isang dating manedyer ng bang­ko ang inaresto ng pulisya sa Bambang ng lalawigang ito matapos ireklamo ng ilang mga negosyante sa pekeng bank loan na ina­alok sa mga ito ng mga suspek.    

Kinilala ni Chief Inspector Janton Albano, hepe ng Bambang Police, ang mga suspek na sina Gerald Reyes, dati umanong manager ng Prudential Bank; Horacio Santos ng Ba­rangay Aristis, Cabana­tuan, City; at Suzette Are­valo residente naman ng Bambang.    

Inihahanda ng mga awtoridad ang kau­kulang kaso laban sa mga suspek dahil sa pamemeke ng mga dokumento para sa loan na inialok nila sa mga biktimang sina Juanita Guinid, Noveline Tagure, Judith Kindao at Jonalyn Dumingay, pawang mga negosyante na nakabase sa Nueva Vizcaya Agricultural Terminal na matatag­puan sa bayan ng Bam­bang.      

Sinasabing inalok uma­no ng mga suspek ang mga biktima ng loan sa banko na walang collateral at co-maker pero pinag­babayad muna sila ng P3,900.    

Pinabulaanan ni Reyes ang akusasyon at iginiit na legal ang kanyang mga papeles. (Victor Martin)