Shootout: 3 holdaper tumba

LUCENA CITY, Quezon, Philippines — Tatlong miyembro ng notor­yus hol­­dap gang ang iniulat na napatay makaraang maki­pag­barilan sa pulisya kamakalawa ng madaling-araw sa bahagi ng Sitio Bugnaw, Brgy. Paiisa, sa bayan ng Tiaong, Quezon. Ayon kay P/Senior Supt. Elmo Francis Sarona, Quezon PNP Di­rector, bineberipika pa ang pagkakakilanlan ng tatlo na  may mga tattong Sputnik sa katawan. Napag-alamang lulan ng traysikel ang limang kalalakihan nang harangin ng pangkat ni P/Insp.Fernando Reyes III sa PNP checkpoint. Nang sitahin ay kaagad nag­pa­pu­t­ok ng baril ang grupo ng holdaper at sa kabutihang palad ay walang tinamaan sa mga pulis. Dito na gumanti ng putok ang mga pulis at bumulagta ang tatlo. - Tony Sandoval at Arnell Ozaeta