Misis inaresto sa pagsuot ng military uniform

MANILA, Philippines – Isang ginang ang ina­resto ng mga awtoridad sa isang checkpoint sa Ba­rangay Balingasag, Bago City, Negros Occidental dahil sa iligal na pag­susuot ng military uniform.

Kinilala ng militar ang babae na si Judy Celeste, 38-anyos, residente ng Barangay Bungahin, Isa­bela sa naturang lala­wi­ gan.      

Minamaneho ni Celeste ang isang motorsiklo nang harangin at arestuhin siya ng mga tauhan ng Bago City Police at ng Negros Provincial Police Office Special Operations Task Force sa inilatag nitong checkpoint.

Sinabi ng militar na na­kasuot si Celeste ng Army camouflage fatigue uniform at Army headgear habang sakay ng kaniyang motor­siklo galing sa Bacolod City.

Bukod dito, wala rin siyang suot na helmet nang maharang sa checkpoint.

Ang pagsusuot ng mga sibilyan ng uniporme ng militar ay mahigpit na ipi­nag­babawal dahil ginaga­mit rin ito ng mga rebel­deng New People’s Army na nagkukunwaring mga sundalo sa paglulunsad ng mga pag-atake. (Joy Cantos)