120 kilong US pork meat nasamsam

BAGUIO CITY, Philippines – Upang maiwasan ang pagkalat ng swine flu, 120 kilong imported na karne ng baboy mula sa United States na pinaniniwalaang ibinebenta sa Baguio City public market ang nasamsam ng mga awtoridad noong Huwebes ng umaga.

Nadiskubre ng mga ta­uhan ng National Meat Ins­pection Commission na ang imported na karne ng baboy ay naipuslit kahit hindi naipoproklamang ban ang nasabing karne dahil sa worldwide alert na Mexican Swine Virus, ayon sa local radio station Bombo Radyo kahapon.

Ipinaliwanag ng NMIS na kahit hindi pa naipo­proklama na bawal ang imported na karne dahil sa swine flu ay maaari pa ring kumpiskahin para mase­guro ang kalig­tasan ng publiko.

Samantala, dahil sa world­­wide alert, nagsimu­lang maramdaman ng mga meat vendor sa public market ang pagdausdos ng ben­tahan ng karne ng baboy dahil sa kumalat na balita kaugnay sa swine virus.

Kasunod nito, nagpa­kalat na ng mga checkpoint sa entrance at exit point sa Ilocos Sur para masiguro na hindi makakapasok ang kilu-kilong karne ng baboy na si­nasabing apektado ng swine flu. - Artemio A. Dumlao