Bomba sumabog

MANILA, Philippines - Isang improvised expolosive device ang pinasabog uma­no ng Moro Islamic Liberation Front sa isang bahagi ng Ba­rangay Bagan, Guindulungan, Maguindanao ka­hapon ng umaga. May 25 metro lang ang layo ng pinang­yarihan ng insi­dente mula sa isang detachment ng militar. (Joy Cantos)

US jet nasunog

CLARK FREEPORT, Pampanga, Philippines – Nasunog ang isang “multi-role” jet ng United States nang lumapag ito sa mainit na runway sa Clark International airport dakong alas-10:30 ng umaga kahapon. Ayon sa pulisya, bigla na lang umapoy ang isang gulong ng nasabing jet.Wala naman iniulat na nasaktan. (Ding Cervantes)

2 niratrat sa tindahan

BALANGA CITY, Philippines – Pinagbabaril hanggang mapatay ang maglive-in partners na sina Emily Bihasa, 45, at Wilfredo Jadulco, 46, ng dalawang ’di kilalang suspek dakong alas-2:30 ng hapon kamakalawa sa loob ng kanilang tindahan sa Sitio Paliparan, Barangay Lucanin, Mariveles, Bataan. Bumili pa umano ng sofdrinks ang mga suspek sa mga biktima at nang tumalikod ang huli ay agad na pinagbabaril. Agad na tumakas ang mga suspek sakay ng motorsiklo. (Raffy Viray)