3 patay sa ambus

MANILA, Philippines – Tatlo-katao ang iniulat na nasawi habang walong iba pa ang nasugatan maka­raang rat­ratin ng mga ar­madong kalala­kihan ang truck na pag-aari ng koope­ratiba sa bayan ng Lanta­wan, Basilan kahapon ng umaga.

Sa phone interview, kini­lala ni P/Senior Supt. Salik Maca­pantar, ang mga napa­tay na sina Munding Alay, Jennifer Agbay, at Khadaffy Aliudin. 

Kabilang sa mga sugatan ay sina Julasiri  Aliudin, Di­rioh Martinez, Rene  Parado, Ivan Pe­ñalosa, Suwaib An­gal, Gra­ciano Martinez, Arsi Abdu, Ju­lasiri  Aliudin at si Di­rioh Mar­tinez 

Base sa police report na nakarating sa Camp Crame, na naganap ang pananam­bang sa mga kawani ng Tairan Beneficiary Cooperative sa kahabaan ng highway ng Sitio Panga­saan, Brgy. Tairan, Lantawan, Basilan.

Sinisilip ng pulisya ang anggulong alitan sa pagitan ng magkalabang angkan sa Brgy. Bagbagon at Tairan simula pa noong 1970. (Joy Cantos)