3 mag-uutol patay sa granada

CAMP VICENTE LIM, Laguna, Philippines – Tatlong magka­ka­patid na lalaki ang iniulat na nasawi matapos masa­bu­gan ng granada na kani­lang napulot sa bisinidad ng Barangay Tagbakan Ilaya sa bayan ng Cata­nauan, Que­zon kama­ka­lawa ng umaga.

Kinilala ni P/Chief Inspector Elmar Cillador, hepe ng Catanauan PNP, ang mga biktimang sina Romnick Arpia, 15; Joselito,12; at si Hi­lario Christian Joseph, Arpia, 5, pawang mga resi­dente ng Sitio Balintok sa nabanggit na barangay.

Base sa police report, napulot ni Romnick ang isang bala ng M-203 grenade launcher sa kanilang lugar kung saan naganap ang engkuwentro ng mga rebeldeng New People’s Army at tropa ng Philippine Army may ilang araw na ang nakalipas.

Nagawang martilyuhin ng magkakapatid ang gra­nada hanggang sa ito ay sumabog bandang alas-11:20 ng umaga.

Nalasog ang katawan nina Romnick at Joselito, sa­mantalang namatay na­ man sa Peninsula District Hospital si Hilario. Arnell Ozaeta