2 mag-aaral nilamon ng ilog

CAMP VICENTE LIM, Laguna – Dalawa sa anim na mag-aaral na sinasa­bing nagkayayaang mag-swimming sa ilog ang ini­ulat na nalunod noong Bi­yer­nes ng tanghali sa ba­yan ng Calauan, Laguna.

Natagpuan may ilang metro lamang ang layo sa pinaglanguyan ang kata­wan ng mga biktimang sina Noriel Toyor, 10, grade 1; at Ian Patrick Bunilas, 10, grade 3 na kapwa mag-aaral sa San Marcos Elementary School at resi­dente ng Barangay San Mateo, San Pablo City.

Sa police report na naka­ rating kay P/Senior Insp. Anthony Gantang, lumilitaw na nagtungo ang magka-ka­klase sa Kipot River sa may Ba­rangay Imok para kumuha sana ng ube at kuhol.

Habang nangunguha ng ube at kuhol ang mga mag-aaral, humiwalay sina Toyor at Bunilas para mag-swimming sa malalim na bahagi ng ilog hanggang sa tangayin ng malakas na agos kung saan namataan pang kumakaway para hu­mingi ng tulong hanggang sa tuluyan lamunin ng tubig. Arnell Ozaeta