P5.4M kontrabando nasamsam

Subic Bay Freeport – Tinatayang aabot sa P5.4 milyong halaga ng kontra­bando na sinasabing tang­kang ipuslit ang nasabat sa isinagawang operasyon ng mga tauhan ng Presidential Anti Smuggling Group-Task Force Subic at lokal na pulisya sa bahagi ng Barangay Nagbalayong sa bayan ng Morong, Bataan.

Sa ulat ni Maj. Manuel Hiadan Jr., hepe ng PASG –TFS na nakarating kay PASG Chief Usec. Antonio Villar Jr., ang nasabat na kon­trabando na nasa 130 ka­hon na imported na siga­rilyo ay naka-consigned kay Mei Jocson ng #2536 Molave St., Nerabel Subd., Ma­balacat, Pampanga.

Sumasailalim na sa tactical interrogation sina Alvin Mamangon at Ramos San­tos na kapwa drayber ng kulay puting Mitsubishi L-300 van (TFX 823) at kulay asul na Hundai Grace van (RES 874), samantalang tugis naman ng mga awto­ridad ang isa pang drayber ng kulay berdeng van.

Nasabat ang milyong halaga ng kontrabando matapos makatanggap ng impormasyon ang mga awtoridad na may ipupuslit na imported na sigarilyo palabas ng Subic Bay Freeport.

Binigyan naman ng ko­mendasyon ni PASG Chief Usec. Antonio Villlar ang pangkat ni Major Haidan. Alex Galang