Dalagita ginulpi ng tiyuhin, patay

Brutal na kamatayan ang sinapit ng isang da­lagitang 3rd year high school student makaraang patayin sa gulpi ng kan­yang tiyuhin sa bayan ng Bandalan, Davao del Sur kamakalawa ng gabi.

Putok ang ulo, nagka­pasa-pasa at malalalim na sugat sa iba’t ibang bahagi ng katawan ang tinamo ni Sheryl Gomez, 14, estud­yante sa Bansalan National High School.

Arestado at pormal na kinasuhan ang suspek na si Manuel Densing Jr., 32, magsasaka at residente ng Sitio Tibayan sa nabanggit na bayan.

Sa police report na na­karating sa Camp Crame, naganap ang krimen ma­tapos na umuwi ang sus­pek at pagalitan na naman ang biktima na nagmula sa pamamasyal kasama ang kaniyang mga barkada bandang alas-6:30 ng gabi.

Napag-alamang nakiki­tira lamang sa bahay ng tiyuhin ang biktima kung saan sa munting pagka­kamali ay gulpi-sarado ang inaabot nito sa kaniyang sadistang tiyuhin.

Nabatid na muling gi­nulpe ng suspek ang bik­tima na hindi nito nilubayan hanggang sa mawalan ng malay-tao na nabagok pa ang ulo sa bato hanggang sa tuluyang mamatay.

Sa pahayag ng mga kapitbahay ng suspek, na nagmamakaawa na ang biktima sa suspek subalit hindi ito pinakinggan at hinataw pa ng matigas na bagay sa iba’t ibang ba­hagi ng katawan ang pa­mangkin kaya natuluyan. (Joy Cantos)