TUGUEGARAO CITY, Cagayan – Masaklap na Kapaskuhan ang sumalubong sa pagdiriwang ng Kapaskuhan ng pamilya ng isang 10-anyos na dalagita makaraan masapol ng bala ng baril sa ulo noong Lunes ng umaga sa Tuguegarao City, Cagayan. Kinilala ng pulisya ang biktima na si Merly Cbotaje ng City Homes Subd. sa nabanggit na lungsod. Base sa police report, papauwi na ang biktima matapos bumili ng groceries para sa Noche Buena nang makapulot ng baril. Sa pag-aakala ng biktima na laruan ang napulot na baril ay itinutok nito sa kasamang kapatid bago itinutok sa kanyang ulo. Kaagad naman nakipaglaro si kamatayan sa biktima matapos na aksidente nitong makalabit ang gatilyo ng kalibre .38 baril. Charlie Lagasca
Dalaga ni-rape ng ka-text
Dahil sa pagiging mahiligin sa pakikipag text, isang 19-anyos na dalaga ang iniulat na ginahasa ng kanyang ka-textmate matapos na yayain itong mag-simbang gabi sa ba yan ng Binmaley, Pangasinan, kamakalawa. Lumuluhang dumulog sa himpilan ng pulisya ang biktimang itinago sa pangalang Eunice na ipinagharap ng reklamo ang suspek na si Jonathan Canlas, 21, na ngayon ay nakakulong habang inihahanda ang kaukulang kaso na isasampa.
Base sa police report na nakarating sa Camp Crame, dakong alas-4 ng madaling-araw nang yayain ng suspek si Eunice na magsimbang gabi. Ito ang ikalawang pagkakataon na nagkita at nag-simbang gabi ang dalawa mula sa 11-araw na pagiging magka-textmate.
Noong Lunes (Dis. 22) ng madaling-araw ay muling niyaya ng suspek ang biktima na mag-simbang gabi subalit halip na sa simbahan ay dinala ang dalaga sa dalampa sigan ng Brgy. San Isidro kung saan isinagawa ang maitim na balak. Joy Cantos
Kabesa, 1 pa itinumba
Tinambangan at napatay ang isang barangay chairman at kaibigang lalaki nito sa panibagong paghahasik ng karahasan ng mga rebeldeng Moro Islamic Liberation Front sa bisinidad ng Sitio Landing sa Barangay Mang gal, bayan ng Sumisip, Basilan kamakalawa. Kabilang sa mga nasawi ay si Brgy. Chairman Maurin Tanajid, habang inaalam pa ang pagkikilanlan ng kanyang kaibigan. Napag-alamang sa police report na nakarating sa Camp Crame, naganap ang krimen bandang alas-10 ng umaga kung saan lulan ng motorsiklo ang mga biktima. Natukoy naman ang mga suspek na mula sa grupo ni MILF Commander Muktar Mingkong na mabilis na nag sitakas patungo sa direksyon ng kagubatan. Joy Cantos