3 mag-uutol nalason

Tatlong mag-uutol na estudyante ang nalason sa pagkain na inihanda sa gi­­na­nap na Christmas party ng kanilang eskuwelahan sa Davao City, kama­ka­lawa. 

Kinilala ng pulisya ang mga biktima na sina Divina Evangelista, 20; Angelina, 14; at si Felipe, 14; pawang  nakatira sa Barangay 23-C, Isla Verde Boulevard, Davao City.

Napag-alamang iniuwi ng tatlo ang natirang bihon at cake mula sa Christmas party ng kanilang eskwe­lahan at ilang oras pa la­mang kumain ay nag-um­pisang sumakit ang tiyan, nahilo at nagsusuka ang mga biktima. 

Sa inisyal na pagsusuri ng mga doctor, ay lumilitaw na nalason sa napanis na pagkain ang tatlo kung saan nagpa­pagaling sa ospital.

Nauna ng nagbabala ang Department of Health Region 11 sa publiko na mag-ingat sa pagkain lalo na sa mga tira-tira dahil karani­wang ito ay siyang pinag-mumulan ng mga bacteria. Joy Cantos