4 trabahador na-suffocate, todas

BATANGAS – Apat na trabahador ng isang pig­gery farm ang iniulat na namatay makaraang ma-suffocate sa tangke ng biogas sa bayan ng Malvar, Batangas kamakalawa ng umaga.

Kinilala ni P/Senior Insp. Ramonchito Chavez, hepe ng pulisya sa bayan ng Malvar, ang mga biktimang sina Jobert Catalan, William Flores, Richard Ma­nahan at John-John Villa, pawang trabahador ng FS Lajara Piggery Farm sa Barangay Bagong Pook.

Ayon sa police report, naglilinis si Catalan ng tangke ng biogas at pu­masok sa loob ng container para kunin ang mga kahoy na nagsisilbing braces, subalit bigla na lang nahilo at kinakapos ng hininga hanggang sa magsisigaw ito para humingi ng tulong bago nawalan ng malay-tao.

Mabilis na sumugod sina Flores, Manahan at Villa sa loob ng tangke para sana tulungan ang kasa­mahan pero maging sila ay nawalan ng malay hang­gang sa sama-sama na silang namatay sa loob ng tangke dahil sa supokas­yon. 

Nangako naman ang may-ari ng farm na si Se­verino Lajara na sasagutin nito lahat ng gastusin sa pagpapalibing at iba pang gastusin na nararapat tanggapin ng mga biktima. Arnell Ozaeta