Lady cop dedo sa NPA attack

BACOLOD CITY — Pi­nag­babaril ng mga rebel­deng New People’s Army ang pangkat ng 6th Regional Police Mobile Group na ikina­sawi ng isang pulis habang apat na iba pa ang nasugatan sa naganap na pananambang sa bisinidad ng Riverside sa Victorias City, Negros Occidental kamakalawa. Si PO1 Jane Tacadao ay napuruhan sa ulo ng bala na ikinasawi nito habang sugatan sina PO1 Melanie Tupaz, PO1 Maria Fe Cantomayor, PO1 Annie Lou Patricio at si PO1 Jocelyn Tebar.

Ayon kay SPO1 Menardo Ellaga, ang mga biktimang lulan ng Toyota Hi-lux sa pamumuno ni P/Supt. Remus Zacharias Caniesco nang ambusin ng mga rebelde na nagkukubli sa plantasyon ng tubo sa barangay road sa Hacienda Mim, Brgy. Estado bandang alas-2 ng hapon.

Tumagal ng 30-minuto ang palitan ng putok ng mga re­belde at ang pangkat ng 612nd Provincial Mobile Group sa pa­mumuno ni P/Supt. Roderick Alba at tropa ni P/Chief Insp. Leonardo Angcon, na rumesponde para tulungan ang grupo ni Ca­nieso.

Sinabi naman ni P/Supt. Leo Irwin Agpangan, OIC ng Bacolod City PNP, may pala­tandaang maraming sugatan sa panig ng NPA dahil sa na­diskubreng mga patak ng dugo sa dinaanan ng mga re­belde sa nasabing plantas­yon. Narekober naman ang dala­wang knapsacks na nag­lala­man ng personal na ga­mit, magazine ng M-14 assault rifle at isang rifle grenade.

Sinusuyod naman ng dalawang Huey helicopter gun ship at armored personnel carrier katuwang ang Army’s Task Group Lawin sa pamu­muno ni Lt. Col. Sagat Bongo­lan, ang kagubatan na pinag­kukutaan ng mga re­belde. (Antonieta Lopez at Joy Cantos)