CAMP SIMEON OLA, Legazpi City – Isang drayber ng garbage truck na empleyado ng lokal na pamahalaan ang nasawi matapos tambangan at pagbabarilin ng ‘di-nakikilalang suspek na naghahakot ng basura sa Sitio Marubanban, Barangay Bagong Sirang, Pili, Camarines Sur kamakalawa.
Nakilala ang biktima na si Arnulfo Tormes, 48, may asawa, empleyado ng munisipyo ng Pili, at residente ng Zone 3, Barangay San Jose ng naturang bayan.
Matapos ang ginawang pamamaril ng suspek ito ay kaagad naman na tumakas na sumakay sa isang motorsiklo na walang plaka.
Ang suspek ay may katam taman na pangangatawan at may taas na 5’4. (Ed Casulla)