Trahedya sa NLEX: 6 patay, 50 sugatan

Anim-katao ang iniulat na nasawi kabilang ang isang law student ng Ateneo ha­bang aabot naman 50 iba pa ang nasugatan makaraang magbanggaan ang pampa­sa­herong bus at kotse sa isa na namang trahedya sa ka­ habaan ng North Luzon Ex­pressway (NLEX) sa bayan ng Dau, Pampanga kahapon ng umaga.

Sa ulat na nakarating ka­hapon sa Camp Crame, sinabi  ni P/Senior Supt. Fer­nando Villanueva, hepe ng Highway Patrol Group 3 na kabilang sa mga nasawi ay si Ruth Dyan Ferrer, law student ng Ateneo Profes­sio­nal School Library base sa nakuhang identification card.

Si Ferrer ay sakay ng To­yota Revo (XHE 829) na may banyagang drayber na na­matay rin sa insidente at ka­salukuyan pang inaalam ang pagkakakilanlan.

Ang apat na namatay na kabilang ang drayber ng bus ay bineberipika pa ang pag­kiki­lanlan habang ang mga su­ga­tang pasahero ng bus ay nasa Dau District Hospital at San Rafael Hospital sa Angeles City.

Sa inisyal na imbestigas­yon, lumilitaw na patungong northbound ang Fermina Bus (NYN 688) na minama­neho ni Bernardo Santos ng Ma­ngaldan, Pangasinan na may lulang 62 pasahero nang magkaproblema sa makina.

Bunga nito ay tuluy-tuloy na gumiray pakaliwa  sa southbound lane ng NLEX ang bus kaya nasalpok ang kasalubong na Toyota Revo na sinasakyan ni Ferrer ha­ bang bumaligtad naman ang nasabing bus. (Joy Cantos)