Sulyap Balita

Barangay tanod nilikida

CAVITE – Pinaniniwalaang dinukot muna saka pinagbabaril hanggang sa mapatay ang isang ba­rangay tanod sa Sitio Berjia sa Brgy. Calibuyo, Tanza, Cavite kamakalawa. Ang biktima na natag­puan sa gitna ng palayan ay nakilalang si Narciso Blanco, 57, ng Brgy Kapipisa sa nabanggit na bayan. Ayon kay PO1 Benny Sabio, sa kasalu­ku­yan ay blangko pa rin ang pulisya sa naganap na pama­maslang. (Cristina Timbang)

Killer ng pulis tinukoy

CAVITE – Tinukoy na ng pulisya ang pangu­na­hing suspek sa pagpatay sa isang alagad ng batas sa kahabaan ng Soriano Highway sa bayan ng Tanza, Cavite may ilang araw na ang naka­lipas. Pakay ng malawakang operasyon na ma­da­kip ang suspek na si Kagawad Delfin Cesa ng Brgy. Sahud, na sinasabing nakabaril at nakapatay kay SPOI Amelito Lemon habang ito ay nagmamando ng trapik sa nabanggit na lugar. Hindi naman dinetalye ng pulisya kung ano ang motibo ng pamamaslang. (Cristina Timbang)