6 pang bata nalason sa tuba-tuba

Isinugod sa pagamutan ang anim na bata matapos malason sa kinaing bunga ng tuba-tuba habang nag­lalaro sa Alabel, Sarangani kamakalawa. Kinilala ang mga biktima na magkaka­patid na Rose May, 5-an­yos; May Rose, 6 at Lalyn Ti­mon, 4 taong gulang; gayun­din sina Armelyn Coronia, 6; Dessa Mae Coro­nia, 4 at Rhea Mae Mata, 8-anyos. Ang mga ito ay pawang re­sidente ng Saci Compound sa Barangay Maribulan sa Alabel.

Naglalaro ang mga bata nang makita ang bunga ng tuba-tuba na kanilang pinitas sa paga-akalang isa lamang itong uri ng prutas. Ang nasabing bunga ng tuba-tuba ay inihaw, pi­naghatian saka kinain ng mga mus­mos.

Ang tuba-tuba ay isang uri ng bunga na maaring ga­wing bio diesel at na­kalala­son kapag kinain ng tao. Ga­yunman, makaraan ang ilang oras, nakaram­dam ng pananakit ng tiyan, pagka­hilo at pagsusuka ang mga bata dahilan upang isugod sila sa General Santos City Hospital sa South Cotabato. (Joy Cantos)