Carwash boy dedo sa customer

CAMP VICENTE LIM, Laguna – Nagwakas ka­agad ang buhay ng isang carwash boy makaraang pagbabarilin ng kanyang mga naging customer sa bayan ng Imus, Cavite kamakalawa ng tanghali.

Kinilala ni P/Supt. Ulys­ses Cruz, hepe ng Imus police station, ang biktima na si Jimwell Sauquillo, 16, ng Barangay Anabu 2-F, Imus, Cavite at namama­sukan sa Buggy Carwash sa Gen. Emilio Aguinaldo Highway sa nabanggit ding barangay.

Base sa police report, dalawang kalalakihan na kasama ang kani-kanilang syota ang dumating sa na­banggit na carwash sakay ng kulay abuhing kotse na Mitsubishi Lancer na may plakang URU 245 para mag­palinis ng sa­sakyan ban­dang alas-12 ng tang­hali.

Sa imbestigasyon ng pu­lisya, lumilitaw na mina­sama ng dalawang kusto­mer na nag-aantay sa loob ng customer lounge ang matalim na pagkaka­ti­tig ng biktima sa mga ka­samahan nilang mga ba­bae kaya kinompronta nila ito.

Napag-alamang bigla nalang umalis ang dala­wang customer at nang bumalik ay pinagtulungang barilin ang biktima.

Isinugod pa sa Our Lady of the Pillar Hospital ang biktima pero namatay din ito habang ginagamot san­hi ng mga tama ng bala ng baril sa ibat-ibang bahagi ng kanyang katawan.

Sa follow-up operation ng pulisya, narekober din ang ginamit na kotse sa H-I Village, Barangay Datu Ismael sa bayan ng Das­ma­riñas, Cavite habang tugis naman ang isa sa suspek na si Florendo “Flo” Tambogao.