BULACAN – Kumpirmadong napatay ang dalawang sibilyan sa panibagong pananambang na naganap sa loob ng North Luzon Expressway sa Km. 14 ng Barangay Lalangan sa bayan ng Plaridel, Bulacan noong Martes ng gabi. Kabilang sa napatay ay sina Jimmy Nucup y Reyes, administrator ng money changer na pag-aari ng kanyang uncle na si Oscar Nucup ng Barangay San Carlos sa bayan ng Mexico, Pampanga; at Sherwin Silo, security aide ni Nucup. Narekober ng mga awtoridad ang isang baril na 9mm, halagang P179, 500 at ang nasabing kotse na nakarehistro sa pangalan ni Michael Sapit ng Bagac, Bataan Sa ulat na nakarating kay P/Supt. Ed Quilates, hepe ng pulisya ng bayan ng Plaridel, lumilitaw na patungong Maynila ang dalawa sakay ng kotseng kulay itim na BMW (ZBE-424) mula sa San Fernando tollgate ng North Luzon Expressway. Bandang alas-8:30 ng gabi nang mamataan ng mga nagpapatrolyang security guard ng North Luzon Expressway ang BMW na nakabalandra sa gilid ng highway. Nang siyasatin ay natagpuan ang duguang katawan ng dalawa na may tama ng bala sa ulo. Dino Balabo at Boy Cruz
