Isuzu Elf tumaob: 6 katao utas

KIDAPAWAN CITY – Anim-kato ang iniulat na namatay habang 15-iba pa ang nasuga­tan maka­raang bu­mangga ang Isuzu elf truck sa kasalu­bong na motor­siklo saka bu­maligtad sa President Roxas Highway sa North Cotabato na iti­nuturing na ‘accident-prone’ noong Lu­nes ng hapon.

Kabilang sa mga na­sawi na sina Edgar Gre­gorio, Clemente Gre­gorio, Muray Mang­galay  mag-utol na Tata Mar­celiana, 14; at CJ Mar­ce­liana, 4; at ang truck helper na si Rol­dan Upos.

Ginagamot naman sa North Cotabato Provincial Hospital sina Alfredo Lopez, driver ng truck; Geoffrey Bac­lagon, driver ng XRM motorcycle; at mga na­kiangkas lang sa nasa­bing trak na sina Clarita Lopez, Rodel Ya­mit, Alex Alejandro, Thel­ma Sasi, Nimrod Marce­liana, Her­nan Erbite, Er­win Ortega, Robert Orte­ga, Jenny Barrien­tos, Dar­ren Pido, Nenita Mang­ga­lay, at si Ryan Dosaga, pa­wang mga residente sa ba­yan ng President Roxas.

Sa ulat ng hepe ng pulisya na si P/Senior Insp. Susana Guihiling, pababa ng Poblacion ang Isuzu Elf truck na may plakang LCK 896 mula sa bisinidad ng Barangay Mabuhay para magbenta ng saku-sakong palay nang mawalan ito ng preno sa erya kung saan mada­las may mga naa­ak­sidenteng sasakyan.

Nagkataon namang nakasalubong ng Isuzu Elf truck ang papaak­yat na Honda XRM motorcycle ni Baclagon kaya ‘di-nagawang ika­big pa ng driver ang truck sa isang ligtas na lugar ka­ya’t na­hagip nito ang mo­torsiklo saka buma­liktad.

Napag-alamang pu­mailalim sa truck si Bac­lagon at nayupi ang kan­yang motor­siklo.

Nabagsakan na­man ng mga saku-sakong pa­lay ang mga bikti­mang na­kiangkas sa nasabing truck elf na naging dahi­lan ng ka­nilang kamata­yan.

Kasalukuyang naka-impound sa PNP station ng President Roxas ang Isuzu Elf truck para pa­panagutin ang driver at may-ari sa naganap na sakuna, ayon kay Gui­hiling. Dagdag ulat ni Joy Cantos