Shootout: Suspek sa masaker dedo

Napaslang sa shoot­out ang pangunahing suspek sa Calamba massacre makaraang makipagbarilan sa mga operatiba ng pulisya sa bahagi ng Barangay Hornalan sa Calamba City, Laguna kahapon ng hapon. 

Kinumpirma kaha­ pon ni Director General Avelino Razon Jr.,  ang pagkakapatay sa sus­pek na si  Bernabe “Abe” Defiesta, 29.

Ayon sa ulat, sina­lakay ng pulisya ang pinagtataguan ni De­fiesta sa lumang bahay na pag-aari ng kani­yang tiyuhing si ex-SPO4 Florencio Pe­ria sa na­banggit na barangay.

Sa halip na sumuko ay nakipagbarilan ang suspek sa mga tumu­tugis ng pulisya.

Narekober sa pi­nang­yarihan ng krimen ang M16 Armalite rifle naman ni ex-SPO4 Pe­ria na ginamit ni De­fiesta sa pamamaslang sa walo-katao.

Kaugnay nito, por­mal na kinasuhan si Peria matapos na su­mabit sa krimeng isi­nagawa ni Defiesta. 

Magugunita na 8-katao ang kumpirma­dong nasawi kabilang ang limang bata ha­bang anim pa ang na­sugatan matapos na ratratin ni Defiesta kamakalawa ng mada­ling-araw.

Lumutang naman sa pagsisiyasat na vendetta ang isa sa mga pangunahing motibo sa pamamaslang dahil sa sinasabing madalas na panlalait ng mga bik­tima laban kay Defiesta. Joy Cantos